أخاف أرمش من عيوني وأبعثر جية وصالك

تجيني طيف ياعمري على جنحان شوقي لك
أخاف أرمش من عيوني وأبعثر جية وصالك ..!!


حبيبي لاتجيني .. قول وين أنت وأنا أجيك
أبيك تقول وين إنت ..؟
وعلى عيوني انا أسعى لك


وربي فوق رؤوس الشوك لـ أخلي القلب يمشي لك ..!!
وأخلي ظلالي يسبقني قبل يحضني منزالك


ثواني بس أبتهندم .. من عيونك وأبهديك
في عينك ضحكة حتى تكحل عين عذالك ..!!


يقول الناس بــ غيابي تشب القلب ويضويلك
حنيني ومن وهج شوقه يميل القلب لامالك ..!!


قضى دمعي من عيوني .. أبي من عينك أبكي لك ..!!
أبنثر من ورا عيوني .. دموع عيون ترحالك ..!!


تــ ع ـــبت أهرب من الأشياء البسيطه من تفاصيل ..!!
تــ ع ـــبت .. أسأل زوايا البيت عن أول وأخر أحوالك ..؟؟!!


وحتى الشوق من صبح الدرايش قام يهديلك
عصافير الرضى ترفرف على بيبان مدخالك ..!!


هينا ترمي ( صباح الخير ) .. قبل لاتروح وأدعيلك
وهينا تضوي ( مساء الخير ).. في عيني من هلالك


أنا من الليل يقطفني شعوري لك وأغني لك ..!!
أنا من الصبح يليلني الحزن من لون موالك ..!!


حرام الليل ماهو ليل إذا ماكنت في ليلي ..!
حرام الصبح ماهو صبح اذا ماكنت بظلالك ..!


/
\
/


ترووح ..

ترووح وقلت أحط روحي على كفي وأناديلك
نزعت العمر من شفت الغلا باالروح نادالك


بربك ..!!

بربك .. وش سوا الفراق بوجه منديلك ..؟؟
تسيل ألوان طيفي فيه .. إلامن البكاء سالك ..!


/
\
/

حبيبي ..

حبيبي لايبكيك الفراق .. ولايهد حيلك
أخاف الدمع من عينك يجفف صورتي بـ بالك ..!!


/
\
/

تعال ...

تعال أحتاج أسولف لك عن الايام وأشكي لك
وأفض غيم الحزن وأنثر حنين الشوق بـ قبالك


تعال وحط في قلبي هموم الفرقى وأشيلك
لأن القلب ماهو قلب إذا في نبضه ماشالك


وقف دمعي .. أبي من عينك أبكي لك
أخاف أبكي من عيوني
و أ بـ ع ـثـ ر .. جية وصالك ...!!!

.
.
.